PD Sai Knuk Ba Rekursu Umanu Iha Timor | Partidu Demokratiku

PD Sai Knuk Ba Rekursu Umanu Iha Timor

PD Sai Knuk Ba Rekursu Umanu Iha Timor

Lia naian sira iha Aileu-Laulara simu Pártidu Demokrátiku (PD), Mariano Assanami Sabino, hafoin hahu nia kampana eleitoral ba dala 6 iha Laulara-Aileu. | Photo Dok: Partidu Demokratiku

 

27/06/17

Lequidoe-Aileu: Pártidu Demokrátiku (PD), sai hanesan seleiru ba rekursu umanu, tanba Pártidu Demokrátiku (PD) ohin loron halibur no akumula foin sae intelektual TImor oan tomak hodi kontribui ideia no halo planu ba dezenvolvimentu nasional.

Prezidente PD Assanami dehan, PD ne’ebe mak identiku ho lideransa jerasaun foun ne’ebe barak mai husi luta rejistensia hahu husi Dewan Solidaritas Mahasiwa Pemuda Timur-Timur (DSMPTT), RENETIL no organizasaun masa sira seluk ne’ebe mak ohin loron hamutuk ho PD

“Pártidu Demokrátiku sai hanesan seleiru ba rekursu umanu ne’ebe mak prontu atu utiliza iha setor saida deit,” hatete Mariano Assanami Sabino ba Militante sira iha munisipiu Aileu-Lequidoe, tersa (27/06)

Assanami dehan, Plans Estratejiku Dezenvolvimentu Nasional (PEDN), ne’ebe mak ohin loron governu trasa ona obra ne’e PD mos hola parte hodi halo planu. Nune’e PD nia ema sira ohin loron hola parte iha postura governu hodi kaer ministeriu importante sira hanesan Ministeriu Obras Publika (MOP), Ministeriu Edukasaun (ME) no Kinisteriu Comersiu Industria no Ambiente (MCIA), hakarak atu ajuda governu hodi dezenvolve setor importante sira hodi lori dezenvolvimentu hakbesik ba povu.

Nia dehan, PD iha rekursu umanu ne’ebe mak mesak produtivu tanba partidu PD ne’e sai fatin ka sentru ba foinsa’e sira hodi planeia politika ba programa governu nian ohin no ba futuru.

“Pártidu Demokrátiku, ita nia ema mesak potensial iha matenek no abilidade ne’ebe diak atu bele kontribui ba dezenvolvimentu,”  hatete Assanimi.

Assanami husu ba foinsa’e hotu atu bele organiza-an mai hamutuk ho PD atu lori partidu ne’e ba oin.

Tanba ne’e kuadu PD kaer governu sei kontinua no fo nafatin prioridade loke formasaun ba jovens sira atu bele kapasita-an diak liu tan atu nune’e bele kontribui ba dezenvolvimentu nasional.

 

Pártido Demokrático Official Website