PD Sei Dezenvolve Setor Agrikultura... | Partidu Demokratiku

PD Sei Dezenvolve Setor Agrikultura...

PD Sei Dezenvolve Setor Agrikultura Liu Husi Fahe Traktor Gratuita

Antes hahu kampana ba datoluk iha Munisipiu Viqueque, Presidente Partidu (PD), Mariano Assanami Sabino ho Presidente Consellu Politika Nasional (CPN), Adriano do Nascimento, kinta (22-06) | Photo Dok: Partidu Demokratiku

 

 

22/06/17

Viqueque : Partidu Demokratiku (PD), iha politika ne’ebe mak klean atu dezenvolve setor agrikultura iha Timor-Leste, liu husi fahe trator ba povu agrikultura atu nune’e sira uja fila rai hodi kuda produtu lokal.

Presidente PD Mariano Asanami Sabino hatete, setor agrikultura hanesan setor ida ne’ebe mak importante tebes tau dezenvolve setor hanesan alternativa hodi ajuda fundus petroliferu iha futuru, tanba ne’e, politika PD tau prioridade atu bele dezenvolve.

Eis Ministru Agrikultura no Peskas (MAP), ne’e mos garantia soberania aihan iha TL no desenvolve agrikultor sira sai modernu. Tanba ne’e PD hakarak atu unifika povu agrikultura ba agrikultura ida ne’ebe mak modernu atu nune’e bele garantia produsaun aihan ne’ebe mak barak.

Nia hatutan, setor agrikultura ne’ebe mak agora dadaun iha ema nia rain avansadu tebes uja teknolojia modernu hodi halo produsaun, maibe ita iha Timor fahe traktor ema barak preokupa.

“Kuandu ita ukun aan ona mak hakarak atu kaer nafatin ai suak hodi kee rai entaun diak liu ita labele ukun aan, kuandu ami fahe traktor hakarak atu dezenvolve setor agrikultura ita nia ema balun hakrak atu politija fali,” hatete Presidente PD Mariano Assanami Sabino iha nia diskursu ba datoluk iha Viqueque, Kinta (23/06).

Tuir nia, durante ne’e Timor-Leste depende liu ba orsamentu mina no gas tanba ne’e kuandu setor agrikultura dezenvolve ho diak produs ai-han barak konserteja sei redus mos importasaun ai-han husi rai liur mai.

 

Pártido Demokrático Official Website