PD SEI FO KREDITU BA ESTUDANTE | Partidu Demokratiku

PD SEI FO KREDITU BA ESTUDANTE

PD SEI FO KREDITU BA ESTUDANTE


Koordenador Jeral Badinas Buka Militantes (BBM), Partidu Demokratiku (PD) tara tais ba Presidente PD, Mariano Assanami Sabino | Photo Dok Partidu Demokratiku

21/06/17

BAUCAU : Patidu Demokratiku (PD), ne’ebe identiku ho patidu jerasaun foun hakarak atu halo investimentu ba setor Edukasaun atu nune’e bele produs rekursus umanu s ne’ebe adekuadu atu nune’e aban bain rua bele dezenvolve daim liu tan nasaun ne’e iha futuru.

Presidente PD Mariano Asanami Sabino hatete, setor eduksaun sai hanesan xavi importante, tanba ne’e kuadu PD hetan fiar husi povu atu kaer ukun, PD kompromete sei kria kreditu ba estudante hahu husi primaria to’o nivel superior atu bele asesu kreditu  hodi bele seluk eskola.

Nia hatutan, ohin loron estudante barak mak garantia Universidade Nasional Timor Lorosae (UNTL), atu ba kontinua estudu, maibe kuadu la liu tenke para eskola. Hakarak atu tama ba iha universidade privada sira, maibe dala ruma ekonomia familia fraku entaun sira labele kontinua estudu. Tanba ne’e politika PD hakarak atu fo kreditu kuadu eskola hotu mak bele selu fali osan estadu ho fuan ne’ebe ki’ik.

“Politika Partidu Demokratiku sei fo kreditu ba estudante Timor oan hotu atu bele asesu kuandu sira nia eskola hotu mak sira bele selu fali osan estadu kanda fulan $ 30.,” hatete Presidente PD, Mariano Assanami Sabino iba nia diskursu daruak, ira munisipiu Baucau (21/06).

Nia dehan, atu diversifika osan estadu nian labele rai deit, maibe tenke investe iha setor produtivu sira hanesan edukasaun atu nune’e aban bain rua sira mak bele esplora fali osan sira ne’e hodi dudu dezenvolvimentu nasonal.

Entertantu iha fatin hanesan prsidente Comisaun Politika Nasional (CPN), Adriano Nasimento hatutan, atu garantia kuliadade setor edukasaun iha nasaun ne’e hakarak ka lakoi tenke investe makas hodi hasa’e salariu profesor nian.

Nia hatutan ohin loron profesor sira nia salariu sa’e ne’e tanba PD nia esforsu. Tanba ne’e profesor sira bele hetan ona salariu ne’ebe diak maibe la to’o iha ne’e kuandu povu fo fiar ba PD atu ukun iha periode ida ne’e PD garanti sei hasa’e tan salariu profesor sira nian atu nune’e sira mos bele moris dignu hanesan mos funsionariu sira seluk.

Pártido Demokrático Official Website