PD Sei Fó Kreditu Ba Negosiante Timor-Oan | Partidu Demokratiku

PD Sei Fó Kreditu Ba Negosiante Timor-Oan

PD Sei Fó Kreditu Ba Negosiante Timor-Oan


Negosiantes sira faan sasan iha Merkadu Tono Rejiaun Administrativa Espesial Oecusse Ambeno | Photo Dok: Partidu Demokratiku

Iliomar (12/04/2018) : Pártidu Demokrátiku (PD), kompromete karik povu fiar no fo votus hodi hetan vitoria iha Eleisaun Antisipada (EA), sei fó kreditu ba negosiante Timoroan tomak ne’ebé hakarak halo negosiu.

Tuir Presidente PD, Mariano Assanami Sabino hatete, atu hasa’e kresimentu ekonomia iha rai laran presija iha programa no politika ba investimentu publiku no privadu konaba rai osan no foti osan ho funan ne’ebé kiik no fasil atu asesu..

“Ita hakarak investe hodi fó kreditu ba negosiante atu asesu hodi halo fila liman atu nune’e sira bele hadia ekonomia uma laran nia hodi suporta fila fali oan sira ba eskola” Dehan Mariano Assanami Sabino iha Kampu Iliomar.

Assanami dehan, governu ohin loron halo investimentu publiku, maibé sirkulsaun osan ladun masimu to’o ba iha baze. Tamba ne’e liu husi kreditu ida ne’e negosiante sira bele asesu hodi loke keos ruma ka halo fila liman, saida de’it hodi hadia ekonomia familiar nian.

Timoroan barak iha inisiativa hodi halo negosiu, maibé dala ruma fundus ne’ebé utiliza hodi halo negosiu ne’e sai bareira bo’ot ba sira atu hakat ba oin tanba ne’e PD iha politika atu loke kreditu ne’e hanesan meius ida atu responde negosiate sira nia preokupasaun.

Assanami, husu nafatin ba jerasaun foun sira iha eleisaun ida ne’e vota ba PD atu nune’e bele implementa programa no politika ne’ebé hakerek ona iha manual dezenvolvimentu.

Iha fatin hanesan tuir Presidente CPN Adriano Nacimento hatete, Politika Partidu Demokratiku nian ba armonizasaun ekonomia sustentavel ami elabora hotu ona bain hira PD ukun hein atu implementa.

Bainhira nasaun ida atu dezenvolve-an presija investimentu iha setor ekonomia tanba setor ne’e sai hanesan save ba dezenvolvimentu ho nune’e PD hakarak atu loke kreditu atu nune’e negosiante kiik sira bele asesu hodi halo negosiu.

Referensia balun ne’ebé ohin loron hatudu ona katak, sira ne’ebé agora daudaun halo negisiu tama to’o iha area rural ne’e tanba nia estadu fasilita fó kreditu hodi halo fila liman hafoin mak rekopera fali osan estadu nian.

Tanba ne’e PD mós hakarak atu lori negosiante Timoroan mós sai hanesan sira atu nune’e ema seluk labele mai domin fali ekonomia ihan Timor.

Pártido Demokrático Official Website