PD Sei Hadia Estrada Husi Aldeia To'o Munisipiu | Partidu Demokratiku

PD Sei Hadia Estrada Husi Aldeia To'o Munisipiu

PD Sei Hadia Estrada Husi Aldeia To’o Munisipiu


Militantes no simpatizantes Pártidu Demokrátiku (PD), antusiasmu hodi partisipa kampana PD iha Munisipiu Likisa, iha loron 28, fulan April, hodi hein festa demokrasia Eleisaun Antesipada (EA)|Photo Dok: Partidu Demokratiku

Likisa (28/04/2018) : Pártidu Demokrátiku (PD), kompromete ba povu Likisa, sei hadia Estrada hahu husi Aldeia, Suku to’o Postu no tama to’o Munisipiu, wainhira povu fiar no votus ba Pártidu Demokrátiku (PD) hodi manan iha Eleisaun Antesipada (EA), hodi ukun tinan 5.

Sekretariu Jeral (SekJen), Antonio da Conceicão Kalohan hatete, PD nia politika konaba hari nasuan husi baze ne‘e sai hanesan aliserse ba PD atu bele halo ona halo dezenvolvimentu ho responsabilidade.

"Ita nia politika mak hari nasaun husi baze, tanba ne’e kuandu ita manan sei konstrui Estrada hahu husi knua, aldeia ba suku, liga ba postu adminitarativu no munisipiu atu nune’e povu sira bele asesu ba merkadu,” hatete SekJen, Kalohan iha kampana PD, iha kampu Likisa.

Kalohan hatutan, Likisa hare husi estrada nasional kuaze iha hotu ona kondisaun, maibé iha baze to’o agora Estrada sedauk iha kondisaun tamba ne’e PD hakarak fo prioridade hodi konstrui Estrada hahu husi baze. 

Iha fatin hanesan tuir Prezidente PD Mariano Assanami Sabino hatutan, politika no programa ba hadia Estrada nasional liga munisipiu, postu administrativu, suku no aldeia PD prepara hotu ona, maibé sedauk iha forsa politika iha governu tanba ne’e defisil atu halo.

Tanba ne’e husu ba Jerasaun foun, ferik katus iha Eleisaun Antisipada ida ne’e tempu to’o ona atu povu tomak atu depozita imi nia kofiansa ba PD atu bele implementa programa ida ne’ebé planu ona ne’e.

“Kuandu infraestrutura Estrada iha teritoriu laran tomak diak hotu ona PD kompromete sei investe iha setor transportasaun terestre, maritime no aero atu nune’e bele fasilita povu hodi hadia nia ekonomia,” Assanami dehan. 

Tuir Assanami, ohin loron infraestrutura Estrada, portu, no aeroportu hahu dezenvolve ona maibé sedauk diak tanba ne’e presija povu nia konfiansa votus atu nune’e PD bele harmoniza setor importante ne’e.

Pártido Demokrático Official Website