PD Sei Hari'i Óspital ba Defisiensia | Partidu Demokratiku

PD Sei Hari'i Óspital ba Defisiensia

PD Sei Hari'i Óspital ba Defisiensia

Feto Difisiente ida hakuak metin Prezidente Pártidu Demokrátiku (PD), Mariano Assanami Sabino, bainhira PD halao nia kampana eleitoral iha Munisipiu Ermera, Postu Administrtavu Atsabe | Photo Dok : Partidu Demokratiku

04/07/17

Atsabe: Pártidu Demokrátiku (PD), kompromisu politiku hakarak atu valoriza no dignifika defisiensia sira, tamba ne'e Pártidu Demokrátiku (PD), kompromete ba povu iha Munisipiu Ermera atu loke óspital ba defisiente sira iha Timor laran tomak.

Prezidente PD, Mariano Assanami Sabino hatete, partidu iha politika ne’ebe mak hakarak atu dignifika defisiente sira atu asesu ba dezenvolvimentu nasional. Iha momentu La-Sama sei moris fo ona valorizasaun liu husi asesibilidade iha ponte CPLP ne’ebe mak la iha fatin atu ema defisiente sira atu liu, maibe La-Sama nia esforsu governu konsege konstrui dalan ida ba ema defisiente sira.

“Politika atendimentu ba ema ho defisiente sira ita la’os foun mak hanoin, maibe uluk kedas La-Sama sei moris ita sempre fo atendimentu ba ema defisiente sira” hatete Assanami iha nia kampana eleitoral iha postu administrativu Atsabe Munisipiu Ermera.

Prezidente PD hatutan, ba familia no estadu atu labele halo deskriminasaun ba ema ho defisiensia, tanba ne’e politika PD nian hakarak atu loke óspital ne’ebe kualidade diak atu bele atende ba maluk defisiensia sira, maske sira defisiente. Maibe tenke atende sira ho dignu hanesan ho sidadaun sira seluk ne’ebe mak moris normal.

Tuir Prezidente PD, maske sira hanesan Defisiente, maibe sira kontinua forma grupu hodi kapasita, hodi bele servi-an rasik. tamba ne’e iha PD nia ukun iha AMP sempre fo nafatin apoiu ba maluk desiente sira liu husi apoiu treinamentu, finansa hodi haforsa sira nia organizasaun atu sira bele hadia sira nia vida moris ekonomia.

“Maske sira ema ho defisiensia, maibe la dependente ba ema tamba ne’e ita hakarak kria kondisaun ba sira atu nune’e sira bele moris ho dignu,” dehan Assanami.

Pártido Demokrático Official Website