PD Sei Hasa'e Salariu FFDTL-PNTL | Partidu Demokratiku

PD Sei Hasa'e Salariu FFDTL-PNTL

PD Sei Hasa’e Salariu FFDTL-PNTL


Presidente Partidu Demokratiku Eng. Mariano ASSANAMI Sabino Diskursu iha kampanha aberta PD iha Munisipiu Covalima | Photo Dok: Partidu Demokratiku

Covalima (14/04/2015) : Pártidu Demokrátiku (PD) sei hasae salariu FALINTIL-Forsa Defeza TimorLeste (F-FDTL) no Polisia Nasional Timor Leste PNTL, wainhira povu fiar no fo votus ba Pártidu Demokrátiku (PD), iha loron 12/05 hodi ukun tinan lima.

Tuir Prezidente PD, Mariano Assanami Sabino hatete, atu hametin instituisaun rua hanesan F-FDTL no PNTL atu profisionaliza institusaun ne’e presija kapasita membru instituisaun rua ne’e tenke hasa’e membru sira nia salariu.

“Ita presija hasa’e salariu F-FDTL no PNTL nian atu nune’e sira bele hadia sira nia moris hodi hala’o sira nia servisu ho profisional,” hatete Prezidente PD, Mariano Assanami iha kampana PD, iha Munisipiu Covalima.

Assanami hatutan katak, ohin loron sasan iha merkadu folin sasan sa’e makas maibé salariu membru instituisaun rua nune’e nafatin defisil sira atu hala’o nia knar ho diak.

Hakarak profesionaliza membru polisia no forsa defeza tenke hasa’e sira nia salariu, maibé kuandu sira nia salariu mak nune’e nafatin sira sei la konsentra ba servisu ne’ebé sira halo.

Polisia no militar hala’o kna’ar ne’ebé nakonu ho responsabilidade hodi asegura povu sira husi ameasas oin-oin. Maibé triste tebes sira nia moris nune’e nafatin.

“Polisia no militar sira la iha politku nain sira atu politiza imi hodi hetan votus, maibé hanesan jerasaun foun ne’ebe hakarak hatutan obra funu nain sira nian iha responsabilidade moral atu rekoñese no dignifika imi nia dedikasaun hanesan servidor estadu nian iha area seguransa no defeza nia, Partidu demokratiku hakarak hasa’e imi nia salariu, halo kazerna ne’ebé iha kualidade tanba ne’e husu ba imi hotu atu depozita imi nia konfiasa votus ba PD atu bele dezenvolve nasaun ne’e.” ,” dehan Assanami.

Pártido Demokrático Official Website