PD Sei Kontinua Dezenvolve Masin Iha Atabae | Partidu Demokratiku

PD Sei Kontinua Dezenvolve Masin Iha Atabae

PD Sei Kontinua Dezenvolve Masin Iha Atabae


Militantes no simpatizantes Pártidu Demokrátiku (PD), partisipa kampana PD iha Munisipiu Bobonaro, Postu Administrativu Atabae iha loron 4, fulan Maio, hodi hein festa demokrasia Eleisaun Antesipada (EA).| Photo Dok: Partidu Demokratiku.

Atabae (04/05/2018) : Pártidu Demokrátiku (PD), promete sei kontinua dezenvolve indutria masin iha Munisipiu Bobonaro, Postu Administrativu Atabae hodi hapara exportasaun masin husi rai liur hodi hasa’e produsaun iha rai laran.

Prezidente PD, Mariano Assanami Sabino hatete, munisipiu Bobonaro, Postu Administrativu Atabae,  iha potensial ba produsaun masin, maibé ohin loron sei tradisional tanba ne’e PD hanoin hela atu transforma sai modernu, maibe ba futuru PD sei dezevolve diak liu tan atu nune'e bele haforti liu tan dezenvolvimentu masin iha  Timor Leste.

“Kuandu ita manan iha eleisaun ida ne’e ita sei transforma produsaun masin husi tradisional ba modernu hodi transforma mos ba industria atu bele halo produsaun iha Atabae,” hatete Prezidente PD, Mariano Assanami Sabino, iha nia kompromisiu politiku ba militantes no simpatizates sira iha Munisipiu Bobonaro, Postu Administrativu Atabae.

Assanami dehan, programa Prioridade ba PD sei hakarak kontinua dezenvolve Masin Atabae atu nune'e tempu ida Masin ne'e bele tama ba dapur hotu-hotu iha Timor-Leste.

"Atabae mos sei sai Masin ba Timor-Leste, tanba masin ne'ebe orans ne'e imi dezenvolve. Ba oin ita sei kontinua dezenvolve nafatin," dehan Assanami.

Pártido Demokrático Official Website