PD Sei Kontinua Fahe Trator Gratuita | Partidu Demokratiku

PD Sei Kontinua Fahe Trator Gratuita

PD Sei Kontinua Fahe Trator Gratuita

Diskursu Politika, Prezidente Pártidu Demokrátiku (PD), Mariano Assanami Sabino | Photo Dok: Partidu Demokratiku 

01/01/17

Suai-Zumalai : Pártidu Demokrátiku (PD), sei kontinua fahe trator gratuita ba agrikultores sira atu uja fila rai hodi kuda produtu lokal, bainhira povu fiar no fo nia votus iha loron 22, fulan Julhu hodi ukun tinan lima. 

Prezidente Pártidu Demokrátiku (PD) Mariano Assanami Sabino hatete, bainhira PD manan hodi ukun, sei kontinua fahe trator gratuita no sei moderniza setor agrikultura atu orienta aihan ba merkanu no mos garante soberania aihan.

“Ita ukun ita sei fahe nafatin trator, ita sei fate trator no sei tau tan industria sira ne’ebe mak oinsa atu dulas hare, batar. Laos irigasaun deit mak ita halo, maibe sei halo irigasaun ba povu agrikultor sira iha Timor laran tomak,” hatete Prezidente Pártidu Demokrátiku (PD), Mariano Assanami Sabino iha nia diskursu politiku Munisipiu  iha Covalima, (01/07).

Assanami dehan, laos deit halo fahe traktor no irigasaun. Maibe sei halo barajen. Atu nune’e povu agrikultores sira halo natal no to’o labele depende deit ba udan be’en hodi  kuda produtu.

“Laos hein dan be’en deit. Kompaneiru sira ita moderniza setor agrikulta. Tamba setor agrikula iha elementu tolu ne’ebe mak importante  mak loron matan, rai no be’e, durante ne’e ita hein udan be’en,” nia dehan.

Tuir nia, durante ne’e koloka irigasaun, maibe hein udan be’en. Tamba durante ne’e seidauk jere ho diak.

“Iha hau nia tempu Ministru Agrikultura tinan 7, hau halo ona estudu  ida ne’ebe mak klean ona oinsa mak ita atu halo barajen, maibe iha barajen 7, iha parte lorosae, rai klaran no loron monu. Hau hakarak irigasuan bo’ot sira tenke iha bendungan, halo barajen atu nune’e be’e to’o mai iha kraik depois ita sei haruka ba natar no to’os” nia dehan.

 

Pártido Demokrático Official Website