PD Sei Kria Banku Movel, Fahe Osan Ba Ferik-Katuas | Partidu Demokratiku

PD Sei Kria Banku Movel, Fahe Osan Ba Ferik-Katuas

PD Sei Kria Banku Movel, Fahe Osan Ba Ferik-Katuas


Militantes no simpatizantes Pártidu Demokrátiku (PD), partisipa kampana PD iha Munisipiu Bobonaro, Postu Administrativu Atabae iha loron 4, fulan Maio, hodi hein festa demokrasia Eleisaun Antesipada (EA).| Photo Dok: Partidu Demokratiku.

Atabae (4/05/2018) : Pártidu Demokrátiku (PD), sei halo jestaun ba sistema pagamentu ba ferik no katuas sira nian atu nune’e sira labele forma keur iha banku hodi hein sira nia pensaun.

Prezidente PD, Mariano Assanami Sabino hatete, durante ne’e prosesu pagamentu ba pensaun ferik no katuas nian sedauk efisien, tanba durante ne’e kuandu atu simu pensaun ferik no katuas sira moras labele la’o ona, maibé tenke leba to’o iha fatin hodi simu nia pensaun.

“Kuandu Partidu Demokratiku hetan Vitoria iha Eleisaun Antesipada ida ne’e ita sei hadia sistema pagamentu hodi kria banku movel ida atu nune’e bele halo pagamentu ba ferik no katuas to’o iha suku no aldeia,” Prezidente PD, Mariano Assanami Sabino, iha nia kompromisiu Politika ba nia militantes no simpatizantes sira iha Atabae.

Assanami dehan, durante ne’e sistema pagamentu ba ferik no katuas sira nian la efisien, tanba ne’e kuandu PD manan sei hadia sistema pagamentu atu nune’e ba oin ferk no katuas sira labele forma fali iha banku oin hodi dudu malu.

Aliende ne’e PD mos sei kria baze de dadus ba ferik no katuas sira atu nune’e kuandu tama ona ba tinan 60 sei mosu autormatik estadu fo parabens no osan transfere dadaun ona ba sira nia numeru Bankaria.

Pártido Demokrático Official Website