PD Sei Promove Feto Timor | Partidu Demokratiku

PD Sei Promove Feto Timor

PD Sei Promove Feto Timor


Prezidente Organizasaun Mulher Demokratiku (OMD), Pártidu Demokrátiku (PD), Abina Sousa hato'o nia kompromisiu politiku ba nia militantantes no simpatizantes iha kampu Futebol, postu administrativu Gleno, Munisipiu Ermera| Photo Dok: Partidu Demokratiku
Ermera (29/04/2018) :  Organizasaun Mulher Demokratiku (OMD), Pártidu Demokrátiku (PD), Abina Sousa hatete, PD kompromete sei promove feto Timor tomak hahu husi baze to’o nasional, liu husi kapasitasaun atu hadia ekonomia feto Timor iha nivel nasional to’o baze.

“Ita iha politika nasional atu promove feto Timor liu husi kapasitasaun no hadia ekonomia atu nune’e feto Timor bele forte hodi hadia familia no nasaun ida ne’e,” hatete Prezidente OMD, Abina Sousa, iha nia kompromisiu politku ba nia militantantes no simpatizantes iha kampu Futebol, postu administrativu Gleno, Munisipiu Ermera.

Nia hatutan,  PD nia ejistensia durante ne’e promove ona feto barak iha nivel nasional no baze, tanba ne’e PD hakarak kontinua fo kapasitasaun ba feto Timor.

“PD kompromete ba feto Timor katak kuandu manan iha eleisaun antisipada. Sei kria fundus imprestimu ba feto sira atu kreditu hodi dezenvolve ekonimia familiar nian,” nia dehan. 

Tuir nia, iha Timor feto barak sei moris vuneravel, tanba ne’e presiza haklean sira nia koñesementu iha vida ekonomia no vida politika.

“Feto Timoroan barak sedauk bele involeve-an iha vida politika ho masimu, tanba ne’e kuandu PD ukun feto ho mane iha direitu hanesan hodi bele kompete iha vida sosil, politika no ekonomia,” nia dehan.

Pártido Demokrático Official Website