Povu fo Fiar, PD Sei Hadia Estrada Iliomar | Partidu Demokratiku

Povu fo Fiar, PD Sei Hadia Estrada Iliomar

Povu fo Fiar, PD Sei Hadia Estrada Iliomar


Presidente Partidu Demokratiku Eng. Mariano ASSANAMI Sabino Diskursu iha kampanha aberta PD iha Postu Administrativu Iliomar | Photo Dok: Partidu Demokratiku

Iliomar (12/04/2018) : Pártidu Demokrátiku (PD), sei hadia estrada Munisipiu Lospalos, Postu Administrativu Ilomar tomak, wainhira povu fiar no fo nia votus ba PD Pártidu Demokrátiku (PD) manan iha Eleisaun Antesipada (EA), iha loron 12, fulan Maio hodi ukun tinan lima.

Prezidente PD, Mariano Assanami Sabino hatete, politika no programa hadia Estrada nasional liga munisipiu, postu administrativu, suku no aldeia.

PD prepara hotu ona, maibé seidauk iha forsa politka iha governu tanba ne’e defisil atu halo, tanba ne’e husu ba Jerasaun foun, ferik katuas, fo konfiansa ba PD atu implementa programa ida ne’ebe planu ona.

“Iha Eleisaun Antisipada ida ne’e tempu to’o ona atu povu Iliomar tomak atu depozita imi nia konfiansa ba partidu demokratiku, atu bele implementa programa ida ne’ebé planu ona ne’e.Hau rekoñese kondisaun estrada postu Iliomar nia kondisaun, tanba ne’e husu atu povu tomak fó fiar ba PD hodi hasai imi husi kiak no mukit,” hatete Prezidente Pártidu Demokrátiku (PD), Mariano Assanami Sabino iha kampu Iliomar, Munisipiu Lautem.

Prezidente dehan, Iliomar postu administrasaun ida ne’ebé potensial tebes ba produtu lokal tanba ne’e presija Estrada ida ne’ebé kualidade diak atu nune’e bele fasilita povu Iliomar sira lori produtu ba merkadu.

Assanami hatutan, tempu to’o ona atu demokratija setor ekonomia iha teritoriu laran tomak maibé presija infrastrutura bazika hanesan Estrada husi baze to’o nasional tenke hadia atu nune’e povu sira bele lori nia produtu lokal ba merkadu municipal to’o nasional.

Pártido Demokrático Official Website