Profile Prezidente PD | Partidu Demokratiku

Profile Prezidente PD

sampleimage_4.jpg

Sei Ki'ik, Hedi Ona "Mate Ka Moris Ukun Rasik-An" Iha Nia Fuan

Ho tinan ne'ebe sei ki'ik involve ona iha prosesu luta ba ukun rasik-an ne’e, hafoin hetan koñesimentu hosi nia aman rasik ne’ebé mak hanorin nia kona-ba doutrina FRETILIN hodi fó sai informasaun ba gerilleirus FALINTIL sira iha Ai-Laran iha tinan 1975, liu-liu kona ba atividade no movimentu Militár Indonézia Timor-Leste. 


“Ha’u sei ki'ik ha’u nia apa hanorin ona ha’u doutrina FRETILIN, iha ne’eba ha’u fó sai informasaun ba FALINTIL sira iha ai-laran, kona-ba Aktividade militár Indonézia, depois fila husi Matebian iha tinan 1975,” nia konta.

Assa, signifika Manu no Nami signfika Aman ka Mane duni. Assanami tuir dalen Tetum, "MANU AMAN' ne’ebé ra'an hosi Suku Luro, Postu Administrativu Luro, Munisípiu Lautem ka koñesidu ho Ponta-Leste.

Desde ki'ik nia luta ona hasoru liman kroat Indonesia, hodi hadau direitu Timoroan sira ne'ebé intimida husi invazor indonesia.

Lia fuan ne'ebé Manu-Aman ne'e, hedi iha nia fuan mak "Mate ka Moris Ukun Rasik-an".

Joven ne'e nudar nu'udar rezultadu domin husi Liurai Luro, Mateus Sabino no Julieta Ribeiro. Oras ne'e dadauk Manu Aman ne'e mak sai hanesan Prezidente Pártidu Demokrátiku (PD), Mariano Sabino Lopes "Assanami".

Nune’e, liu hosi prosesu ne’e ikus mai konsege lori Asanami hatene no sente kona-ba lalaok funu bainhira sei ki'ik, inspira nia-an oinsá komunga ispiritu ukun rasik-an no luta hodi defende soberania povu rai ne’e nia terus ne’ebé maka ohin loron Timor oan hotu goza, ne’e mós hanesan dezafiu no esforsu bo'ot ida mak lidera Pártidu Demokrátiku ne’e, hodi fó kontribuisaun ba Timor-Leste nia ukun rasik-an.

Asanami hahú eskola primaria  iha Pairara, bo'ot iha Pairara. Iha Pairara nia sempre hetan intimidasaun no ema akuza nia Gerakan Pengacau Keamanan ka GPK/FRETILIN nia oan,  tanba sai hanesan Matadalan (Espiaun) ba FALINTIL sira iha ai laran, hodi fó sai informasaun Movimentu no aktividade militár Indonézia nian iha Pairara Suku Parlamentu, Postu administrasaun Lautem momentu sei ki'ik no eskola nivél  Primaria.

Iha tempu okupasaun, Mariano Assanami Sabino, hala’o nia estudu iha Universidade Brawijaya Malang-Indonézia iha tinan 1991. Maske Assanami iha inimigu nia le'et, maibé nia nasionalismu ba nia rai ran fakar fatin (Timor-Leste) la namkore. 

Assanami ho nia maluk estudante Nasionalista sira hamosu vizaun oinsá maka bele organiza-an hodi kontribui ba funu hasoru okupasaun Militár Indonézia nian.


Iha Indonezia Assanami nudar Vise Sekretáriu Jerál RENETIL, ne’ebé nia prezidente maka Saudozu Fernando de Araújo "Lasama" iha momentu ne'ebá. Assanami ho nia maluk estudante sira seluk nia manifestasaun iha Jakarta ne'e Ezije ba Rejime Soeharto (Eis Prezidente Indonézia) no Jenerál sira atu kore korenti invazaun ne'ebé bobar Timoroan sira nia direitu ba Ukun-rasik-an. Assanami hakilar tanba "Hakarak kaer rasik nia kuda talin."

Assanami nia kontribuisaun ba Libertasaun Pátria, inklui iha liña orientasaun ho objetivu ida oinsá mak bele transforma radikalmente IMPETTU ne’ebé forma hosi militár Indonézia atu kontrola estudante sira iha momentu ne’eba sai fali organizasaun rejisténsia no halibur Timor-oan tomak  hodi kontra okupasaun Militár Indonézia nian iha Timor-Leste.

Nune’e, Assanami ho prinsípiu ba libertasaun Pátria hodi jura ba nia-an hamutuk ho nia maluk sira no hamosu linguajen Revolusionáriu ida kona-ba “Isin Maubere, Klámar mós Maubere” ne’ebé sira komunga hodi naksulin iha sira nia ra'an. Ikus mai nia tenke deside les nia Diploma Sarjana nian soe ba leixeira, tamba ho prinsípiu tuir motto RENETIL nian “Antes sem titulo do que sem Pátria”. 

Mariano Assanami Sabino sai inspiradór no inisiatór ba ezisténsia DPP-IMPETTU hanesan orgaun rejisténsia taktika ne’ebé deklara aberta apoiu komunikasaun no halo ligasaun direta ho lideransa masimu Rezisténsia Kay Rala Xanana Gusmão, iha sela Cipinang hodi luta ba Independesia totál Timor Leste nian iha tempo okupasaun Militar Indonézia .


Assanami ema ida ne’ebé aten barani no sé hirus matan ba militar Indonezia nia kilat tutun, iha tempu luta ba ukun rasik-an. Manu-Aman ne'e  lidera Estudante sira ba halo Demonstrasaun iha Embaixada Rusia, Austria, Inglatera, Estadu Unidus Amérika nian iha Jakarta Indonézia inklui fatin sira seluk ne’ebé sai alvo ba manifestasaun hodi Ezije no hato’o opiniaun kona-ba Direitu Povu Maubere nian ba Ukun-rasik an.

Manu-Aman husi Luro ne'e hamutuk ho nia Kompañeiru sira hosi PRD iha 1998, halo demonstrasaun bo'ot iha Ministériu Negósiu Estranjeru Jakarta Indonézia nian, hodi organiza estudante Timor-oan hamutuk 2.000 resin hodi paraliza totál servisu Ministériu nian.



sampleimage_4.jpg

Mariano Sabino Lopes Assanami, hamutuk ho nia Estudante sira hosi PRD iha 1998, halo demonstrasaun bo'ot iha Ministériu Negósiu Estranjeru Jakarta Indonézia nian, hodi organiza estudante Timor-oan hamutuk 2.000 resin hodi paraliza totál servisu Ministériu nian. Foto Dok "Assanami"


Manifestasaun ikus maka organiza hamutuk Estudante Universitáriu sira hosi Indonézia iha tinan 1998 iha Edifísiu Parlamentu Indonézia/DPR-MPR nia oin, hodi Ezije Rejime Prezidente Soeharto monu no fó Referendum ba Timor-Leste. Manifestasaun hirak ne’ebé Assanami organiza hatudu duni sinál pozitivu no fo esperansa ukun rasik-an ba estudantes Timoroan iha Indonezia. Referendum ne'ebé Indonezia fó ba Timor-Leste, ikus mai Assanami hetan fiar hosi lider rejisténsia masimu Kay Rala Xanana Gusmão hodi re-organiza estudante rejisténsia Timor-oan tomak iha Indonézia hodi fila mai Timor-Leste atu kontinua apoiu luta ba Ukun-an.

Manifestasaun ikus maka organiza hamutuk Estudante Universitáriu sira hosi Indonézia iha tinan 1998 iha Edifísiu Parlamentu Indonézia/DPR-MPR nia oin, hodi Ezije Rejime Prezidente Soeharto monu no fó Referendum ba Timor-Leste.

Manifestasaun hirak ne’ebé Assanami organiza hatudu duni sinál pozitivu no fo esperansa ukun rasik-an ba estudantes Timoroan iha Indonezia. Referendum ne'ebé Indonezia fó ba Timor-Leste, ikus mai Assanami hetan fiar hosi lider rejisténsia masimu Kay Rala Xanana Gusmão hodi re-organiza estudante rejisténsia Timor-oan tomak iha Indonézia hodi fila mai Timor-Leste atu kontinua apoiu luta ba Ukun-an.



sampleimage_4.jpg

Manifestasaun ikus maka organiza hamutuk Estudante Universitáriu sira hosi Indonézia iha tinan 1998 iha Edifísiu Parlamentu Indonézia/DPR-MPR nia oin, hodi Ezije Rejime Prezidente Soeharto monu no fó Referendum ba Timor-Leste. Foto Dok "Assanami"


Iha loron 04 fulan Abril tinan 1999, Assanami  hamutuk ho nia Kompatriota sira hari’i organizasaun "Lorico Asuwain" ne’ebé sai hanesan mahon ba organizasaun foinsa’e sira nian durante libertasaun Pátria,  maka  hanesan FITUN, Sagrada Família no sira seluk tan hodi akumula opiniaun no monta estratéjia oinsá maka bele kontinua organiza-an, ko'opera nafatin ho Komandu Luta iha Rai laran hodi apoiu ba Ukun-rasik an.  



xanana ho asanami.jpg

Mariano Assanami Sabino hetan orientasaun hosi Prezidente CNRT (Conselho Nasionál Rejisténsia Timorensea) Kay Rala Xanana Gusmão, hodi assume Koordenadór Komisaun Planeamentu no Ko'ordenasaun kampaña CNRT ba Mobilizasaun Polítika hodi organiza Kampaña ba Referendum iha Timor laran tomak, iha tinan 1999.


Kampaña ne'e Assanami konvense Timoroan tomak hodi hili CNRT atu nune'e Timoroan alkansa nia independesia total.

Mariano Assanami Sabino, hamutuk ho nia Kompañeiru sira hanesan Fernando Lasama de Araújo no sira seluk hodi Funda Pártidu Demokrátika iha loron 10 fulan Juñu 2001. Mariano Assnami Sabino, hetan fiar nudar Sekretáriu Jerál Pártidu Demokrátika (PD).

Partidu Demokratiku ho nia motto "Hametin Demokrasia, Harí Nasaun Husi Baze". Partidu Demokratiku hakarak hamo'os uluk maubere oan sira iha áreas rurais nia mata we'en ne'ebe dala barak ema hotar partidu joven ne'e atu mout lalais, maibé Maromak haraik nafatin grasa ba partidu ne'e hodi ukun nia povu ho fuan no laran Tomak. Só uniku PD mak bele hakuak povu hotu, kiak eh riku bo'ot ka ki'ik.

Pártidu Demokrátika kompete iha eleisaun dahuluk iha tinan 2001 ne’ebé orgniza hosi Misaun Organizasaun Nasoens Unidas (UNMIT), nian iha Timor-Leste. Iha momentu ne'ebá, partidu demokrátiku hanesan kosok oan foin moris, maibé povu maubere tau fiar ba nia hodi hetan kadeira hitu (7) iha asembleia konstituante.

Assanami sai Deputadu no asumi kna’ar hanesan Prezidente Bankada Pártidu Demokrátika nian ne’ebé sai Pártidu Segundu lugár ne’ebé lidera opozisaun forte hodi halo diskusaun, debate no hakerek Konstituisaun/Lei inan-RDTL.

Mariano Assanami Sabino, iha PD assume kna’ar nu’udar Sekretáriu Jerál durante periodu rua, hahú hosi 2001-2006. Iha nia lideransa hamutuk ho Prezidente Pártidu Demokrátiku matebian Fernando Lasama de Araújo iha Primeiru Governasaun ne’ebé lidera hosi partidu Frente Revolusinário Timor-letse Independente (FRETILIN) nian. Iha tinan 2002, PD sai opozisaun ne’ebé forte hamutuk ho Pártidu ki’ik sira seluk hodi halo balansu ba Governasaun, hamosu pensamentu krítiku iha Parlamentu Nasionál hodi halo diskusaun ba produtu lejislasaun ne’ebé fó benefísiu ba Povu Timor-Leste.

Iha tinan 2007-2012, Mariano Assnami Sabino sai hanesan lider Jerasaun foun no autór prinsipál ida ba formasaun IV Governu Konstitusionál atravez ho AMP (Aliansa Maiória Parlamentár) no assume pasta Ministru Agrikultura no Pescas (MAP). Iha nia lideransa maka hamosu pensamentu oinsá maka moderniza sistema agrikultura ne’ebé sustentavel no oinsá promove ai-han lokál iha Timor-Leste.

Hafoin eleisaun Parlamentár iha tinan 2012, PD ho kadeira 8 obriga formasaun V Governu Konstitusionál liu hosi konsensu politika hamutuk ho Pártidu CNRT no Frente Mudansa tamba laiha pártidu ida manan maiória absoluta hodi ukun. Assanami kontinua kaer pasta hanesan Ministru Agrikultura no Pescas (MAP), maibé Assanami ukun la to'o nia rohan bainhira anin fuik Remodelasaun hafera formasaun V Governu Konstitusionál.

Assanami husu la involve iha Governu, fóka ba PD nia afirmasaun polítika hodi defende fronteira maritima ne’ebé sai interese nasionál.

Assanami mós hanesan lider Jerasaun foun ne’ebé iha esperitu serví, badinas, iha dedikasaun ne’ebé á'as, Nasionalista, loyalidade no koñesidu ho PD iha Povu nia matan, Assanami ho karakter lideransa ne’ebé respeita ema seluk nia ideia, haraik-an, simples no halo ema hotu hadomi PD, tamba ho nia lideransa hamutuk ho Lasama maka konsege implementa lideransa ne’ebé kolektivu, disiplina no esperitu servi ne’ebé liga ba interese Povu no Estadu Timor-Leste. Nia mós sempre fó hanoin ne’ebé konstrutivu oinsá hari’i estadu de direitu demokrátiku iha Repúbliku Demokrátika de Timor-Leste (RDTL).

Dadaun ne’e Assanami, hanesan Prezidente Pártidu Demokrátika ne’ebé eleitu Maiória Absoluta hamutuk ho nia Kompañeiru Dr. António da Conceição “KALOHAN” iha Kongresu Nasionál PD datoluk ba periodu 2017-2021. Kongresista sira tula prezidente ba Assanami nia nia kaba’ás hodi halo jestaun di’ak ba PD no haforsa PD hodi ukun Governu.

Nu’udar jerasaun kontinuadór ba ezisténsia Estadu de Direitu Demokrátiku no Lider ne’ebé sempre inspira, atrai joven ba talentu lideransa no sai jerasaun foun ne’ebé krítika no fó alternativu liu hosi nia diskursu sira ne’ebé nakloke iha palku polítiku Timor-Leste atu hadi’a Timor-Leste ba oin.

Durante iha nia kareiar polítika hahú hosi invazaun to’o ukun rasik an, nia sempre buka aprende hamutuk ho nia Maun sira, buka tu'ur hamutuk halo diálogu ho lideransa tuan sira hanesan Kay Rala Xanana Gusmão, José Ramos Horta, Taur Matan Ruak, Lere Anan Timur no sira seluk tan iha nasaun ida ne’e no oinsá buka rezolve problema nasaun no Povu nia interese.

Iha nia pensamentu kona-ba Estadu no ba Nasaun nian, lider estudantil iha tempu rejisténsia ne’e sempre ko’alia no dezafia jerasaun hotu-hotu atu hahi’i no tane espiritu funu na’in sira nian liu hosi kuidadu ba liafuan sira ne’ebé halo kanek Povu nia fuan.

Nomós Lider jerasaun foun ne’e sempre ko’alia no defende demokrásia, justisa no unidade nasionál, unifika Timor-oan tomak, unidade ne’ebé tenke metin iha Timor-Leste. Kontinua nafatin ho espiritu servi, tane nafatin lutadór sira nia mehi, ho maturidade polítika ne’ebé lo'os, hanoin iha hun ida, abut ida, Povu ida no tane Rai Timor ida de’it ba Timor-oan tomak ne’ebé prospero no hakmatek. (Aquadiovisual-PD).

Pártido Demokrático Official Website