Rehabilita Plantasaun Kafé Iha Ermera | Partidu Demokratiku

Rehabilita Plantasaun Kafé Iha Ermera

Rehabilita Plantasaun Kafé Iha Ermera


Militantes no simpatizantes Pártidu Demokrátiku (PD), antusiasmu hodi partisipa kampana PD iha Munisipiu Ermera-Villa , iha loron 29, fulan April, hodi hein festa demokrasia Eleisaun Antesipada (EA).| Photo Dok: Partidu Demokratiku| Photo Dok: Partidu Demokratiku.

Ermera (29/04/2018) : Pártidu Demokrátiku (PD), kompromete ba povu Ermera, wainhira Pártidu Demokrátiku (PD), hetan Vitoria iha Eleisaun Antisipada (EA), sei rehabilita plantasaun kafé hodi nune’e bele hasa’e kuantidade produsaun.

Prezidente Partidu Demokratiku PD Mariano Assanami Sabino hatete, Munisipiu Ermera potensial tebes iha setor agrikula liu liu produsaun kafé nian tanba ne’e presija tebes atu haluan tan plantasaun kafé hodi hasa’e produsaun.

“Ermera potensial ba setor agrikultura tanba ne’e ita presija rehabilita plantasaun kafé hodi hasa’e produsaun iha futuru,” Mariano Assanami iha nia kompromisiu politku ba nia militantantes no simpatizantes iha kampu Futebol, postu administrativu Gleno, Munisipiu Ermera.

Nia hatutan, kafé Ermera iha ona istoria ne’ebé mundu asesu hotu ona bain hira kafé iha Asean, Eurpa no Amerika mate hotu hela de’it kafé hun ida mak moris iha Ermera ne’ebé bele kari hikas ba nasaun hotu ohin loron kafé buras fali iha nasaun seluk.

Tanba ne’e presija tebes atu rehabilita nafatin plantasaun kafé hodi hasa’e produsaun atu nune’e bele importa ba rai liur hodi hatudu identidade produsaun kafé Timor iha rai liur.

Alende ne’e Assanami hatutan, Kafé iha Ermera iha kualidade tebes ne’ebé ho organika la kontamina ho kimika ruma tanba ne’e nia folin bo’ot iha merkadu internasional.

Maibé realidade iha Ermera folin kafé tun tanba ne’e PD manan iha EA kompromete sei hasa’e folin kafé.

Pártido Demokrático Official Website