Veteranos Munisipiu Covalima Apoiu PD | Partidu Demokratiku

Veteranos Munisipiu Covalima Apoiu PD

Veteranos Munisipiu Covalima Apoiu PD


Veteranus Munisipiu Covalima Deklara fo Apoio ba PD iha kampanha aberta PD iha Munisipiu Covalima | Photo Dok: Partidu Demokratiku

Covalima (14/04/2018) : Veteranos husi Munisipio Covalima sei fo apoiu masimu ba Pártidu Demokrátiku (PD) iha Eleisaun Antesipada (AE), tamba zerasaun foun mak iha kapasidade hodi halao dezemvovimentu ba Nasaun Timor-Leste.

Reprezentante veteranos Munisipio Covalima,Francisco Mendonsa alias TATAMERO iha nia diskursu hatete, ohin (14/04), halibur malu atu fo apoiu ba PD hodi koalia kona ba futuru Timor-Leste, ions atu hair's nasaun sai forte ho programa dezemvolvimentu ne’ebe diak, atu nune’e bele hasai povu husi kiak no mukit.

Nia dehan, laos ona tempu atu sura se mak funu liu, se mak la funu, maibe tempu ohin loron atu koalia kona ba programa, program oinsa mak bele halao dezemvolvimentu iha seitor social, iha seitor infraestrutura, iha seitor ekonomia.

“Ohin ami lubuk ida, nebe’e reprezenta ema veteranos sira iha Munisipio Covalima, ema ne’ebe uluk hola parte iha funu atu bele liberta ita nia nasaun no liberta ita nia povu, ohin ita halibur malu iha ne’e, laos ona ita atu hasoru kilat, laos ona ita atu konta historia pasadu ninian, maibe ohin ita hamri’ik iha ne’e, atu koalia kona ba programa, atu oinsa ita bele hasai ita nia povu husi kiak no mukit," hatete Reprezentante veteranos Munisipio Covalima,Francisco Mendonsa alias TATAMERO, iha kampana PD iha Covalima, Kampu Ladi.

Nia mos husu ba Partidu Politiku (ParPol), sira atu labele politiza osan ba veteranos sira, tamba iha lei hakerek nanis ona.

“Lalika hanoin tan ho propaganda falsu, ne’ebe maka dehan, bainhira veteranu sira la vota ba partido seluk, veterano sira nia pensaun la fo, ida ne’e lia bosok, tamba veteranos ne’e iha antigos kombatentes ne’e iha liu husi prosesu naruk ida, sira mos iha direitu no direitu ida ne’e konsagra iha ita nia Konstituisaun no Lei dos veteranos," nia dehan.

Nia dehan, PD iha nia prinsipio ne’ebe metin husi zerasaun ba zerasaun ne'ebe hamri’ik no abut metin, PD jerasaun foun nian ne'ebe laiha rohan, tamba ne’e mak lalika hakfodak.

"Ami uluk iha partido seluk, maibe ohin mai mai hamutuk ho PD atu fo forsa ba PD, tamba futuru ba juventude ninian mak PD laos partido ema katuas sira nian, ema katuas sira nian sei deskansa em pas," nia hatete.

Pártido Demokrático Official Website