Veteranus Munisipiu Ermera Prontu Lori 'DUDU' Ba PN | Partidu Demokratiku

Veteranus Munisipiu Ermera Prontu Lori 'DUDU' Ba PN

Veteranus Munisipiu Ermera Prontu Lori ‘DUDU’ Ba PN

IV VISE, Prezisdente PD Munisipiu Nasional, Ernesto Fernandes DUDU | Photo Dok : Partidu Demokratiku

07/07/17

HATULIA : Veteranus no Kombatentes da Libertasaun rejiaun IV husi postu administarativu Hatulia, munisipiu Ermera prontu fo votus konfiansa ba Ernesto Fernandes ‘DUDU’ ba Parlamentu Nasional liu husi Pártido Demorátiku (PD).

Veteranus Hatulia oan Aten Brani hatete, prosesu funu ba libertasaun iha rejiaun IV Ernesto ‘DUDU’ mak reorganiza hodi hamoris fali funu iha rai klaran hodi luta hasoru invazor sira.

“Hamoris fali funu iha rejiaun IV ne’e so uniku Komandante FALENTIL rejiuan IV Ernestu ‘DUDU’ la iha tan ema seluk, nia la iha ohin loron Veteranu iha rejiuan IV mos la iha,” hatete Veteranus Aten Brani iha kampaña politiku PD iha kamapu postu administrative Hatulia munisipiu Ermera, kinta (06/07).

Tanba ne’e nia husu ba Veteranus husi rejiaun IV ne’ebe mak ohin loron fahe malu balun ba partidu CNRT, FRETILIN no ba partidu seluk atu fo votus konfiansa ba ‘DUDU’ liu husi PD atu nia bele ba PN atu defende interese veteranus sira nian iha Munsipiu Ermera.

“Tanba ne’e hau husu ba Veteranus tomak iha Hatulia atu vota ba PD hodi Dudu Apa ‘DUDU’ ba Parlamentu Nasional iha periodu ida ne’e,” dehan Aten Brani.

Entertantu iha fatin hanesan Veteranus Abilio Alias ‘Ulun To’os’ husi partidu CNRT kompromete sei fo mos apoiu votus konfiansa ba komandante Ernesto ‘DUDU’ liu husi PD iha Eleisaun Parlmentar ne’e.

“Hau mai la’os lori partidu CNRT, maibe mai hanesan individual hodi apoiu ba ami nia figura komandante ‘DUDU’ ne’ebe uluk hamutuk ho komandante Nino Konis Santana lidera ami iha parte rejiaun IV ne’e,” dehan Veteranus Abilio alias ‘Ulun Toos’

Nune’e mos iha fatin hanesan Prezidente PD, Mariano Assanami Sabino hatete, iha eleisaun parlamentar ne’e PD hili Veteranus ‘DUDU’ tama iha lista numeru kuatru atu nia bele sai membru PN. “Hau husu ba imi atu vota ba partidu demokratiku atu dignifika Apa DUDU iha PN,” dehan Assanami.

Pártido Demokrático Official Website