Vise Presidente UDT Sai Ekipa Susesu PD | Partidu Demokratiku

Vise Presidente UDT Sai Ekipa Susesu PD

Vise Presidente UDT Sai Ekipa Susesu PD

Vise Prezidente Pártidu Uniaun Demokrátiku Timorense (UDT), Munisipiu Ainaro, Posto Administrativu Tarsizio Mota  | Photo Dok: Partidu Demokratiku

30/06/17

Maubessi : Vise Prezidente Pártidu  Uniaun Demokrátiku Timorense (UDT), Munisipiu Ainaro, Posto Administrativu sai ekipa susesu iha Pártidu Demokrátiku (PD).

Vise Prezidente UDT, Tarsizio Mota hatete, nia deside mai hamutuk ho PD, tanba partidu ne’e nakonu ho jerasaun foun no matenek barak. Maibe hatudu nafatin unidu no solide maske hare mesak jerasaun foun ne’ebe komesa hatudu ona lideransa ne’ebe mak maduru. 

Nia dehan, PD iha politiku no programa ne’ebe mak diak tebes, atu halo dezenvolvimentu hahu husi baze ne’e programa ida ne’ebe uniku no la iha partidu ida ne’ebe mak mehi hodi dezenvolve povu nia moris hahu husi baze. Maibe so uniku PD.

“Hau mai sai hanesan ekipa susesu ba Pártidu Demokrátiku, tanba hare ba programa dezenvolvimentu tenke hahu husi baze ne’e programa ne’ebe atrai tebes, tanba ne’e hau deside mai hamutuk ho Pártidu Demorátiku,” hatete Eis Vise Prezidente UDT, Tarsizio Mota iha kampaña eleitoral PD, iha Munisipiu Ainaro, Postu Administrative-Maubesi.

Nia hatutan, hanesan Vice Prezidente UDT iha estrutura nasional mai apoiu PD la’os hetan kompromisiu politiku hodi hetan kargu ruma, karik PD hetan vitoria iha Eleisaun Parlamentar ne’e.

Razaun nia afilia ba PD no sai ekipa susesu PD,  tanba hakarak atu bele suporta atu sira bele halo dezenvolvimentu hodi hadia povu nia moris atu nune’e povu ki'ik sira iha area remotas mos bele moris ho dignu.

Nia hatutan, apoiu ne’ebe mak nia fo ba Partidu demokratiku la’os foin ida ne’e maibe iha kampaña Presidensial nafatin sai hanesan ekipa susesu iha kandidatura Kalohan nian konsege lori vitoria ba PD iha munisipiu Ainaro.

“Hau nia prejensa iha PD hau sei servisu makas hodi konsolida militantes UDT no ema rezistensia sira atu bele vota ba PD, tanba ne’e hau garantia katak iha Eleisaun Parlamentar ne’e PD sei manan dala ida tan iha Ainaro,” nia dehan.

Nia hatutan, maske partiudu UDT iha ElPar ne’e kompete, maibe hare ba programa politika diferente tebes ho PD, nian ne’ebe mak atu hari nasaun  husi baze ne’e laiha tanba ne’e tenke fihir partidu ne’ebe mak iha vizaun no misaun ne’ebe mak klaru hodi lori povu ba moris diak.

“Hau la’os sai husi UDT hau nafatin iha ne’eba maibe hau mai ne’e individual atu apoiu Pártidu Demokrátiku,” dehan nia.

Pártido Demokrático Official Website