DOASAUN RAN BA HNGV | Partidu Demokratiku

DOASAUN RAN BA HNGV

Partido Democrático Hala’o Doasaun Ran Ba Hngv Iha Komemorasaun Aniversario Partido Democrático Ba Dala XVIII Iha Sede PD Kolmera.

“RAN TURUK IDA BELE SALVA EMA SELUK NIA VIDA”

caption :Kuadros, Militantes no Simpatizantes Halao Doasaun Ran ba Hospital HNGV iha Sede PD Kolmera | Photo : Barros

Dili, (13/06/2019) 

Dili : Sidadaun sira nebe moras iha Hospital Nasional Guido valadares Dili barak mak presiza ran hodi salva sira nia vida, relasiona ho  nesesidade ne’e kuadros no militantes Partido Democratico halo asaun doasaun ran hodi oferese ba banco de sangue Hospital Nasional Guido Valadares Dili.

Iha biban ne’e Prezidente Komisaun Organizadora Virgilio da Costa Hornai hateten ba jornalista sira katak aktividade ne’e hanesan programa social nebe Partido Democrático halo liu-liu iha asaun karidade, ita hatene katak Hospital Nasional Guido Valadares pasiente barak mak baixa iha neba depois to’o loron ida sira presija ran entaun ita presija fo tulun liu husi aktividade sira ne’e atu nune’e konserva nafatin ran iha ita nia hospital ho nune’e ita nia doutor sira bele halo atendimentu ba ita ninia povu liu husi atendimentu saude publiku nian.

Iha sorin seluk Xefe Banco de Sangue Hospital Nasional Guido Valadares Gilberto Madeira agradese ba kuadros, militantes no simpatizantes Partido Democrático tamba kontribui ona ran ba Hospital Nasional hodi bele salva ema seluk nia vida.

Aktividade doasaun ran ne’e integradu iha programa komemorasaun loron aniversario Partido Democratico nian ba dala XVIII nebe sei komemora iha loron 22 fulan junu tinan ida ne’e.


Pártido Demokrático Official Website